Concept

சோதிடம் என்பது எப்பொழுதும் சர்ச்சைக்குரிய பொருளாகவே உள்ளது. உண்மை எனும்போது நம்பகத் தன்மையின் அளவீடு முழுமைப் பெறுவதில்லை. இல்லை எனும்போது சில எதிர்மறைக் கருத்துக்கள் பொய்த்து விடுகின்றன. உண்மையா ? பொய்யா ? உங்களின் துணையோடு இதை ஆராய்வதே இந்த வலைப் பூவின் நோக்கம்.

o0o0o0o0o0o0o00o0o0o0o0o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o00o0o0o0o0o0

[இதில் வரும் பதிவுகளை, முதல் பதிவிலிருந்து வரிசையாகப் படிக்கவும். ஆய்வு நோக்கில் இத் தொடர் எழுதப்படுவதால், முன் பதிவுகளைப் படிக்காதவர்கள், அவைகளைப் படித்தபின் தொடர்ந்தால், தொடர்ச்சியாக இருக்கும்.].

0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o

குறிப்பு:

நண்பர்களுக்கு, பிருகத் ஜாதகா மொழிபெயர்ப்பு முழுமையாக முடியும்வரை, சோதிட ஆய்விற்கு கொஞ்சம் ஓய்வு.

-----------------------------------------------------------------------------------------------------------------------------------------------------------

Tuesday, July 25, 2017

நோய்கள் ஏற்படும் நிலை - பிருகத் ஜாதகா – 172


வராக மிகிரரின் பிருகத் ஜாதகா
திரு N. சிதம்பரம் அய்யர் அவர்களின்
ஆங்கில மொழிபெயர்ப்பின் தமிழாக்கம்




பிருகத் ஜாதகா
பாகம்-2
பகுதி   -  இருபத்து மூன்று

தீமை தரும் யோகங்கள்.. தொடர்ச்சி

6.     ஒருவர் பிறக்கும் நேரத்தில், சந்திரன் 10வது வீட்டிலும், சுக்கிரன் 7வது வீட்டிலும், அசுபக் கோள்கள்(1) 4வது வீட்டிலும் இருந்தால், அந்த மனிதன் தன் குடும்பத்தினை அழித்துவிடுவார்(2). பிறக்கும் நேரத்தில், சனி ஒரு கேந்திர வீட்டில் இருக்க, அது திரேக்காணத்தின் அதிபதியாக புதன் இருக்கும் வீட்டினைப் பார்த்தால், அந்த மனிதர் ஓவியராக இருப்பார். பிறக்கும் நேரத்தில், சுக்கிரன் இலக்கினத்திலிருந்து 12வது வீட்டில் இருப்பதுடன் சனியின் நவாம்சத்தில் இருந்தால், அந்த மனிதர் ஒரு வேலைக்காரியின் மகனாக இருப்பார்; மேலும் பிறக்கும் நேரத்தில், சூரியனும் சந்திரனும் 7வது வீட்டில் இருக்க, அவை சனியால் பார்க்கப்பட்டால், அவர் தமது தகுதிக்கு குறைவான தொழிலினைச் செய்வார்.


குறிப்பு:
(1)  அவை, சூரியன், செவ்வாய், சனி ஆகும்.

(2)  அந்தக் குடும்பம் அவரால் அழிந்து போகும். உரையாசிரியர், இதற்கு எடுத்துக்காட்டாக துரியோதனின் வாழ்வைக் குறிப்பிடுகிறார்.


7.     ஒருவர் பிறக்கும் நேரத்தில், சுக்கிரனும் செவ்வாயும் இலக்கினத்திலிருந்து 7வது வீட்டில் இருக்க, அவை அசுபக் கோள்களினால் பார்க்கப்பட்டால், அந்த மனிதர் வீக்கம் தொடர்பான நோயால் பாதிக்கப்படுவார்(1). ஒருவர் பிறக்கும் நேரத்தில், சந்திரனானது கடகம் அல்லது விருச்சிகத்தின் நவாம்சத்தில் இருப்பதுடன், உடன் அசுபக் கோள்களும் இருந்தால், அந்த மனிதர் பிறப்புறுப்பு தொடர்பான நோயால் பாதிக்கப்படுவார். பிறக்கும் நேரத்தில், சந்திரன் இலக்கினத்தில் இருக்க, சனியும் செவ்வாயும் முறையே 12வது, 2வது வீடுகளிலும், சூரியன் 7வது வீட்டிலும் இருந்தால், அந்த மனிதர் வெண்குட்ட நோயால் பாதிக்கப்படுவார். ஒருவர் பிறக்கும் நேரத்தில், இலக்கினத்தில் இருந்து 10வது வீட்டில் சந்திரன் இருக்க, செவ்வாய் 7வது வீட்டிலும், சனியானது சூரியனிலிருந்து 2வது வீட்டிலும் இருந்தால், அத்தகைய மனிதர் உடல் குறைபாட்டுடன் இருப்பார்.

குறிப்பு: (1) அதாவது யானைக்கால் போன்ற நோய்கள்.

தீமை தரும் யோகங்கள்.. தொடரும்


முதன்மை (சமஸ்கிருதம்)
ஆங்கிலம்
தமிழ்
வராக மிகிரர்
திரு N. சிதம்பரம் அய்யர்
நிமித்திகன்
கி.பி. 505 – 587
1885-ல் பதிப்பிக்கப்பட்டது
2014-17


Monday, July 24, 2017

ஒழுக்கமற்ற நிலை - பிருகத் ஜாதகா – 171


வராக மிகிரரின் பிருகத் ஜாதகா
திரு N. சிதம்பரம் அய்யர் அவர்களின்
ஆங்கில மொழிபெயர்ப்பின் தமிழாக்கம்




பிருகத் ஜாதகா
பாகம்-2
பகுதி   -  இருபத்து மூன்று

தீமை தரும் யோகங்கள்.. தொடர்ச்சி


4.     ஒருவர் பிறக்கும் நேரத்தில், சனியானது உதய இராசியில்(1) இருக்க, சுக்கிரனானது சக்கரசந்தி நவாம்சத்திலும் 7வது வீட்டிலும் இருந்தால், அதேவேளையில் 5வது வீட்டில் எவ்வித சுபக் கோள்களும் இல்லாத நிலையில் அந்த மனிதரின் மனைவி மலடியாக(2) இருப்பார். மேலும், அசுபக் கோள்களானது 12வது மற்றும் 7வது மற்றும் இலக்கின வீடுகளில் இருப்பதுடன்(3) தேய்பிறைச் சந்திரன் 5வது வீட்டில் இருந்தால், அந்த மனிதருக்கு மனைவி அமையாது அல்லது குழந்தைகள் இருக்காது.

குறிப்பு:

(1)  இதிலிருந்து தெளிவாக தெரிவது யாதெனில், உதய இராசியானது ரிசபம் அல்லது கன்னி அல்லத் மகரமாக இருக்க வேண்டும், அதன்படி 7வது வீடானது முறையே விருச்சிகம், மீனம் மற்றும் கடகமாக இருப்பது, இவைகளின் மூன்று கடைசி நவாம்ச வீடுகள் சக்கர சந்தி அல்லது ரிக்ஷசந்தி எனப்படும் (பத்தி 7, பகுதி-1).

(2)  அந்த மனிதர் மீண்டும் திருமணம் செய்துகொண்டால், அவருக்கு குழந்தைகள் உண்டு என்பது வேறு சிலரின் கருத்தாகும்.

(3)  அனைத்து மூன்று வீடுகளு அல்லது ஏதேனும் இரண்டு வீடுகள் அல்லது ஏதேனும் ஒரு வீடு – உரையாசிரியரின் கருத்துப்படி.


5.     ஒருவர் பிறக்கும் நேரத்தில், சுக்கிரன் இலக்கினத்திலிருந்து 7வது வீட்டில் இருப்பதுடன், சனி அல்லது செவ்வாயின் வர்க்கத்தில் இருப்பதுடன், சனியாலும் அல்லது செவ்வாயாலும் பார்க்கப்பட்டால், அந்த மனிதர் விபச்சாரம் செய்பவராக இருப்பார். மேலும், சுக்கிரனானது சனி அல்லது செவ்வாயின் வர்க்கத்தில் இருக்கும் நிலையில் அது சனி அல்லது செவ்வாயால் பார்க்கப்படுவதுடன், சந்திரன், சனி மற்றும் செவ்வாய் ஆகியவை இலக்கினத்திலிருந்து 7வது வீட்டில்  இருந்தால், அந்த மனிதரும் அவர் மனைவியும் விபச்சாரம் செய்வர். மேலும், சுக்கிரனானது சனி அல்லது செவ்வாயின் வர்க்கத்தில் இருக்க, அது சனியால் பார்க்கப்பட அல்லது செவ்வய் இலக்கினத்திலிருந்து 7வது வீட்டில் இருந்தால், அந்த மனிதரும் அவர் மனைவியும் விபச்சாரத்தில் ஈடுபடுவர். மேலும், சுக்கிரனும் சந்திரனும் ஒரு இராசியில் இருக்க, சனியும் செவ்வாயும் இலக்கினத்திலிருந்து 7வது வீட்டில் இருந்தால், அந்த மனிதருக்கு மனைவியும் கிடையாது குழந்தைகளும் கிடையாது. மேலும், ஆண் மற்றும் பெண் கோள்கள் ஒரு வீட்டில் இருக்க, சனியும் செவ்வாயும் இலக்கினத்திலிருந்து 7வது வீட்டில் இருக்க, அவை சுபக் கோள்களால் பார்க்கப்பட்டால் அந்த மனிதரின் மனைவி அவரைக்காட்டிலும் மூத்தவராக இருப்பதுடன், அந்த மனிதருக்குத் திருமணம் வயது கடந்து நடக்கும்.



தீமை தரும் யோகங்கள்.. தொடரும்


முதன்மை (சமஸ்கிருதம்)
ஆங்கிலம்
தமிழ்
வராக மிகிரர்
திரு N. சிதம்பரம் அய்யர்
நிமித்திகன்
கி.பி. 505 – 587
1885-ல் பதிப்பிக்கப்பட்டது
2014-17


Sunday, July 23, 2017

மனைவிக்கு ஏற்படும் இழப்பு - பிருகத் ஜாதகா – 170


வராக மிகிரரின் பிருகத் ஜாதகா
திரு N. சிதம்பரம் அய்யர் அவர்களின்
ஆங்கில மொழிபெயர்ப்பின் தமிழாக்கம்


பிருகத் ஜாதகா
பாகம்-2
பகுதி   -  இருபத்து மூன்று

தீமை தரும் யோகங்கள்.. தொடர்ச்சி


2.         ஒருவர் பிறக்கும் நேரத்தில், மூன்று அசுபக்கோள்கள்(1) சுக்கிரனிலிருந்து 4வது மற்றும் 8வது வீட்டில் இருந்தால், அல்லது இரண்டு அசுபக் கோள்கள் சுக்கிரனுக்கு இருபுறமும் இருந்தால்(2), அல்லது சுக்கிரனுடன் சுபக் கோள்கள் இல்லாமல் அல்லது சுபக்கோள்களின் பார்வை படாமல் இருந்தால், அந்த மனிதரின் மனைவி, தீயினால் அல்லது கீழே விழுந்து அல்லது கயிறால் இறக்க நேரிடும்.


குறிப்பு:
(1)    சூரியன், செவ்வாய் மற்றும் சனி

(2)    ஒரே வீட்டில் சுக்கிரனுடன் அல்லது முன்னும் பின்னுமாக அடுத்த வீட்டில்.

இருப்பினும், முதல் யோகத்தின்படி, அதே வேளையில் சுக்கிரன் அக்னி திரேக்காணத்தில், இரண்டாவது யோகத்தின்படி நிபாத திரேக்காணத்தில், மூன்றாவது யோகத்தின்படி பாச திரேக்காணத்தில் இருக்க வேண்டும் – [பகுதி-27 திரேக்காண பலன்கள்].


3.         ஒருவர் பிறக்கும் நேரத்தில் இலக்கினத்திலிருந்து 12வது அல்லது 6வது ஆகிய இருவீடுகளில் ஒன்றில் சூரியனும் மற்றொன்றில் சந்திரனும் இருந்தால், அந்த மனிதர் மற்றும் அவர்தம் மனைவி ஆகிய இருவரும் ஒற்றைக் கண் உடையவர்களாக இருப்பர். மேலும், சுக்கிரன் மற்றும் சூரியன்(1) ஆகியவை, இலக்கினத்திலிருந்து 7வது, 9வது, 5வது ஆகிய மூன்று வீடுகளில் ஏதேனும் ஒன்றில் இருந்தால், அந்த மனிதரின் மனைவி உடல் குறைபாட்டுடன் இருப்பார்.


குறிப்பு:
(1)    சுக்கிரன் அல்லது சூரியன்வேறு சிலரின் கருத்துப்படி. இது காரகரின் கருத்திற்கு ஏற்புடையது அல்ல என்று உரையாசிரியர் கூறுகிறார்.


தீமை தரும் யோகங்கள்.. தொடரும்


முதன்மை (சமஸ்கிருதம்)
ஆங்கிலம்
தமிழ்
வராக மிகிரர்
திரு N. சிதம்பரம் அய்யர்
நிமித்திகன்
கி.பி. 505 – 587
1885-ல் பதிப்பிக்கப்பட்டது
2014-17