இராசிகளில் கோள்களின் நகர்வு – சந்திரன், இராகு, கேது

2.       சந்திரன் –

            சந்திரன் பூமியின் துணைக்கோள். அது பூமியைச் சுற்றிவர எடுத்துக் கொள்ளும் கால அளவு 27.3 நாட்கள். அதாவது, மேசத்தில் ஆரம்பிக்கும் சந்திரன், மீண்டும் மேசம் வருவதற்கு ஏறக்குறைய 27 நாட்கள் ஆகிறது. [பூமி சூரியனைச் சுற்றிவருவதால், சந்திரனானது, ஒரு சுற்றின் முடிவில் சூரியனை நெருங்க மேலும் இரண்டு நாட்கள் தேவைப்படும்]. நமது கணக்கின்படி, 27 நாட்களில் சந்திரன் இராசி மண்டலத்தைச் சுற்றிவரும் என்பதால், ஒரு நாளைக்கு 13-20’-00” நகர வேண்டும். மேற்கூறிய மூன்று பஞ்சாங்கங்களின்படி, சராசரி அளவானது 13-20 பாகை எனும் கணக்கில் இருப்பதால்,  வானியல் மற்றும் சோதிடம் இரண்டிலும் சந்திரனின் நகர்வு சராசரியில் சரியாகவே இருக்கிறது. அதாவது சராசரியாக ஒரு இராசியைக் கடப்பதற்கு 2¼ நாட்கள் தேவைப்படுகிறது. மறுமொழியில் கூறுவதென்றால், 27 விண்மீன்களையும் 27 நாட்களில் கடக்கிறது.

3.       இராகு மற்றும் கேது -

            இராகு மற்றும் கேதுவைப் பொருத்தவரையில் அவை இரண்டும் சூரிய – சந்திர பாதைகளின் இடைவெட்டுப் புள்ளிகள், அதாவது வெற்றிட முனைகள் என்பதால், சூரிய-சந்திர பாதைகளின் போக்கிற்கு எதிர் திசையில் (காட்சிப் பிழையில்) நகரும் தன்மை கொண்டவை. கணித அளவீட்டின் படி, ஏறக்குறைய 18½ ஆண்டுகளில் அப்புள்ளிகள் ஒரு முழு சுற்றினை முடிக்கும். எனவே, இராகுவானது மேசத்தில் (துலாம்-கேது) ஆரம்பித்து மீண்டும் மேசத்தில் எதிர்மறையில் சுற்றி வந்து சேர்வதற்கு 18½ ஆண்டுகள் ஆகும். அவ்வாறெனில் ஒரு நாளைக்கு நகரும் அளவு என்பது சராசரியாக – 00-03-00 என்பதாக இருக்கும்.  வான் கணிதத்தில் இராகு கேது இல்லையென்றாலும், பஞ்சாங்கங்களிலும் இந்த அளவானது சராசரியில் சரியாகவே உள்ளது.

                                                                                                         அடுத்து .. பிறக் கோள்களின் நகர்வு...

இராசிகளில் கோள்களின் (நகர்வு) வக்கிரம் (3)

தொடர்கிறது......

             

      இராசி மண்டல அமைப்பானது, பூமி மையக் கொள்கை அடிப்படையில் அமைக்கப்பட்டுள்ளதால், பூமியிலிருந்து புதனின் நகர்வை நாம் பார்க்க நேர்கையில் ஏற்படும் காட்சிபிழையே இதற்குக் காரணம் ஆகும்.

கீழே உள்ள வரைபடத்தைப் பாருங்கள்.

[இப்படம் தமிழோவியம் எனும் வலைப்பூ தளத்தில் சோதிடரத்னா திரு எஸ். சந்திரசேகரன் அவர்களின் ‘நீங்களும் சோதிடராகலாம்’ என்பதில் இருந்து எடுக்கப்பட்டது]

      மேலே உள்ள படத்தில் சூரியனைப் புதன் சுற்றிவருதல் வரையப்பட்டுள்ளது. பு1 என்பது முதல் நிலை. அந்த நிலையில் புதன் துலாத்தில் இருக்கிறது. அதன்படி, பு1-துலாம், பு2 – விருச்சிகம், பு3 – தனுசு, பு4 – மகரம், பு5 – மகரம் என நகர்கிறது. அதன் புள்ளிகள் முறையே ஆங்கில எழுத்தான A, B, C, D, E என இராசியில் இருப்பதைப் பாருங்கள்.

      பின்னர் புதன் மேலும் நகர்ந்து பு6 எனும் நிலைக்கு வருகிறது. ஆனால் அதன் நகர்வானது பூமிக்கு அருகில் சூரிய வட்டப்பாதையில் வருகிறது. பூமியிலிருந்து பு6-ஐ நாம் பார்க்கும்போது அது F எனும் புள்ளியில் இருப்பதைப்போல் தோற்றம் அளிக்கிறது, அதாவது அதன் பாதையிலிருந்து சற்று பின்னால் இருக்கிறது. அது போலவே பி7 எனும் நிலைக்கு வரும்போது G எனும் புள்ளியிலும், பி8 எனும் நிலைக்கு வரும்போது H எனும் புள்ளியிலும் நகர்ந்திருப்பதுபோல் தோன்றுகிறது.

      மீண்டும் பு1 எனும் நகர்விற்கு வரும்போது, மீண்டும் முன்னோக்கி நகர்வது தொடங்குகிறது. அதாவது, I, J, K, L, M எனும் புள்ளிகளில் இருப்பதுபோல் இருக்கிறது.

      இங்கு, A, B, C, D, E, எனும் புள்ளிகள் இயல்பான முன்னோக்கி நகர்தலையும், F, G, H எனும் புள்ளிகள் பின்னோக்கி நகர்தலையும், I, J, K, L, M எனும் புள்ளிகள் மீண்டும் முன்னோக்கி நகர்தலையும் காட்சி-பிழை ஆக்குகின்றன. இந்த சுற்று முடிந்தவுடன், மீண்டும் அடுத்த நிலை ஆரம்பிக்கும்போது, பூமியும் தன் பாதையில் நகர்ந்திருக்கும் என்பதால், அது அடுத்த இராசியில் அதாவது, கும்பம், மீனம் என நகரத்தொடங்கும். இவ்வாறே பன்னிரெண்டு இராசிகளையும் புதன் கடக்கும்.

      இங்கு, முதல் நகர்வு என்பது இயல்பான முன்னோக்கிய நகர்வு; இரண்டாவது நகர்வு பின்னோக்கிய நகர்வு அல்லது வக்கிரம்; மூன்றாவது நகர்வான முன்னோக்கிய நகர்வு என்பது வக்கிர நிவர்த்தி என பஞ்சாங்கம் கணிப்பவர்களால் குறிக்கப்படுகிறது.

கோள்களின் வக்கிரம் தொடரும்….

இராசிகளில் கோள்களின் (நகர்வு) வக்கிரம் (4)

அடுத்து,

      சுக்கிரனும் உள்வட்டக் கோள் என்பதாலும் அதன் சுற்று முறை ஓர் ஆண்டிற்கும் குறைவு என்பதாலும், இதே கணித முறைதான் பின்பற்றப்படுகிறது.

      அதே நேரத்தில், வெளிவட்டக் கோள்களான, செவ்வாய், வியாழன், சனி முதலானவை, பூமியின் கணக்கைவிட சுற்றுவதற்கு அதிக நாட்கள் எடுத்துக் கொள்பவை என்பதால், கணக்கீடு சற்று மாறுபட்டாலும், அடிப்படை விதியில் மாற்றம் ஏதுமில்லை.

      இந்த வக்கிரமும் வக்கிர நிவர்த்தியும் நமக்கு தோன்றுவதற்கு இராசி மண்டலத்தின் கோண அளவு மிக முக்கியப் பங்கு வகிப்பதால், இவை ஒரு குறிப்பிட்ட பாகை அளவில்தான் நடைபெறும். வக்கிரத்திற்கும் வக்கிர நிவர்த்திற்கும் இடையில், ஓய்வு நிலை அதாவது பின்னோக்கி சென்ற கோள் மீண்டு முன்னோக்கி நகர்தல் ஒரு குறிப்பிட்ட பாகையில் நடைபெறும் நிலையில் அது தன் சுழற்சியில் நின்று பின்னர் நகர்வதுபோல் தோன்றும், அந்த நிலைக்கு ஸ்தம்பிதம் அல்லது ஓய்வு என்று பெயர்.

      ஆக, புதன், சுக்கிரன், செவ்வாய், வியாழன், சனி ஆகிய ஐந்து கோள்களும் இயல்பான நகர்வுடன், பின்னோக்கி நகர்தல் (வக்கிரம்), ஓய்வு (ஸ்தம்பிதம்), மீண்டும் முன்னோக்கி நகர்தல் (வக்கிர நிவர்த்தி) ஆகிய நகர்வுகளையும் மேற்கொள்வதாக நமக்குத் தோன்றுகிறது.

      இது பற்றிய ஒரு அட்டவணையினைக் காண்போம்.

கோள்கள்	வக்கிர கதி நாட்கள் (வக்கிரம் & வக்கிர நிவர்த்தி)	ஓய்வு (ஸ்தம்பிதம்) நாட்கள்	இராசியில் சூரியன் இருக்கும் பாகையிலிருந்து
			வக்கிர ஆரம்பம் (பாகை)	வக்கிர நிவர்த்தி (பாகை)
புதன்	24	1	140 – 200	170 - 200
சுக்கிரன்	42	2	290	290
செவ்வாய்	80	3	2280	1320
வியாழன்	140	5	2450	1150
சனி	140	5	2510	1090

[நன்றி: முதுகலை சோதிடவியல் – அண்ணாமலைப் பல்கலைக் கழகம், சிதம்பரம்]

      மேலே உள்ள அட்டவணைப்படி, வக்கிரம், வக்கிர நிவர்த்தி, ஸ்தம்பிதம் என அனைத்தும் ஒரு குறிப்பிட்ட பாகையின் அளவில், அதாவது சூரியன் இராசியில் இருக்கும் பாகையிலிருந்து ஒரு குறிப்பிட்ட கோண அளவில்தான் நடைபெறுகிறது.

      இந்தக் கணக்கீடுகளைக் கொண்டு கணக்கிடும்போது, இராசி மண்டலத்தில் கோள்களின் இயல்பான சூரியச் சுற்றின் கணக்கீடும், இராசி சக்கரத்தில் கோள்களின் நகர்வின் கணக்கீடும் சற்று வித்தியாசம் ஏற்பட்டாலும், அது காட்சிப்பிழை அடிப்படையில் ஏற்படும் கோண அளவினைச் சரிசெய்து, கணக்கிடப்பட்டுள்ளது. எனவே  இரண்டு கணக்கீடுகளும் சரியானதே.

      வக்கிரம் பற்றிய பதிவிற்கு இது போதும் என்று நினைக்கிறேன். தேவை ஏற்படும்போது மேலும் விளக்கங்கள் பதிவிடுவோம்.