அஷ்டவர்க்க குறிப்புகள் - பிருகத் ஜாதகா – 85

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பகுதி   -  ஒன்பது

அஷ்டவர்க்கம்

அஷ்டவர்க்க குறிப்புகள்

பின் குறிப்புகள் – (திரு சிதம்பரம் அவர்களின் சிறப்பு குறிப்பு)

அஷ்டவர்க்க அட்டவணையானது பொதுவாக சுப புள்ளிகளை மட்டுமே குறிப்பிட்டு தயாரிக்கப்படுகிறது – அசுபக் கோடுகளால் குறிக்கப்படும் எண்களானது, 8-லிருந்து சுப புள்ளிகளைக் குறித்தால் வருவதாக இருக்கும். அதன்படி மேற்படி அட்டவணையானது, கீழ்வருமாறு இருக்கும்.

3	3	3	3
3	செவ்வாயின் அஷ்டவர்க்கம்		4
5			5
2	1	5	2

 மேலே குறிப்பிடப்பட்டுள்ள அனைத்து எண்களும் சுப புள்ளிகளாகும்.

வாழ்க்கையின் பெரும்பாலான முக்கிய நிகழ்வுகளைக் கணிக்க அஷ்டவர்க்க அட்டவணை பயன்படுகிறது. சாதகத்தின் இந்த பிரிவில் தொடர்ச்சியான ஆய்வுகள் மேற்கொள்ளப்படுவதுடன், இதன் முழு தகவல்கள் கணிப்பில் கொள்ளப்பட வேண்டும். அஷ்டவர்க்க அட்டவணையின் சில பயன்பாடுகளை இங்கே காண்போம்.

      மேலே குறிப்பிட்டவாறு, சுப புள்ளிகளைக் கணக்கில் கொண்டு அட்டவணைத் தயாரிக்கும்போது அவை திரிகோண மற்றும் ஏகாதிபத்ய கழிவுகள்  எனும் இரண்டு கழிவுகள் அல்லது நீக்கங்களுக்கு உட்படுத்தப்பட வேண்டும் – அதாவது திரிகோண இராசியில் உள்ள எண்கள் மற்றும் செவ்வாய் முதல் சனி வரை உள்ள கோள்களின் அவைகளுக்கு உரிய இரண்டு வீடுகளில் உள்ள எண்கள்.

I.         திரிகோணம் அல்லது முக்கோணம் குறைப்பு:

பகுதி-1, பத்தி-6க்கு கொடுக்கப்பட்ட குறிப்புகளில் திரிகோண வீடுகள் பற்றி விளக்கப்பட்டுள்ளது, குறைப்பு விதிகளாவது:-

1.   முக்கோண வீடுகளில் கிடைக்கும் எண்ணிக்கையில், அவை சமமாக இல்லையெனில், எது குறைவானதோ, அதனை மற்ற வீடுகளில் இருக்கும் எண்ணிக்கையில் இருந்து கழிக்க, அதில் கிடைக்கும் மீதி.

2.   மூன்று வீடுகளில் ஏதேனும் ஒரு வீட்டில் எண்ணிக்கையே இல்லையெனில், எவ்வித குறைப்பும் செய்யக் கூடாது.

3.   மூன்று வீடுகளில் இரு வீடுகளில் எண்ணிக்கை இல்லையெனில், மூன்றாவது வீட்டின் எண்ணிக்கையை நீக்கிவிட வேண்டும்.

4.   மூன்று வீடுகளிலும் உள்ள எண்ணிக்கை சமமாக இருந்தால், அனைத்தையும் நீக்கிவிட வேண்டும்.

II.  ஏகாதிபத்திய குறைப்பு:

ஏகாதிபத்திய வீடுகள் பற்றியும் பகுதி-1, பத்தி-6-ல் குறிப்புகளில் விளக்கப்பட்டுள்ளது. குறைப்பு விதிகளாவது:-

1.   ஒரு கோளுக்குரிய இரண்டு வீடுகளிலும் கோள்கள் இருந்தால், குறைப்பு தேவையில்லை.

2.   ஒரு கோளுக்குரிய இரண்டு வீடுகளில், ஒரு வீட்டில் கோளும், மற்றொரு வீடு கோள் ஏதுமின்றியும் இருந்தால், (1) கோள் இருக்கும் வீட்டின் எண்ணிக்கை குறைவாகவும், கோள் இல்லாத வீட்டின் எண்ணிக்கை அதிகமாகவும் இருந்தால், எண்ணிக்கை குறைவாக இருப்பதற்கு ஏற்ப அதிகமாக உள்ளதை சமமாக்க வேண்டும்; (2) கோள் இருக்கும் வீட்டின் எண்ணிக்கை அதிகமாகவும், கோள் இல்லாத வீட்டின் எண்ணிக்கை குறைவாகவும் இருந்தால், குறைவாக இருப்பதை நீக்கிவிடவேண்டும்; (3) இரண்டிலும் சமமாக இருந்தாலும், கோள் இல்லாத வீட்டின் எண்ணிக்கையை நீக்கிவிட வேண்டும்.

3.   ஒரு கோளுக்குரிய இரண்டு வீடுகளில், இரண்டிலும் கோள்கள் இல்லாமல் இருந்தால், (1) இரண்டிலும் சம எண்ணிக்கை இருந்தால், இரண்டிலும் நீக்கிவிட வேண்டும்; (2) எண்ணிக்கை சமமின்றி இருந்தால், அதிக எண்ணிக்கை உள்ளதை, குறைவாக உள்ளதிற்கு சமம் செய்யவும்.

4.   இரண்டிலும் எண்ணிக்கை ஏதுமின்றி இருந்தால், எவ்வித குறைப்பும் தேவையில்லை.

5.   கடக இராசியிலும், சிம்ம இராசியிலும், அவை முறையே சந்திரன், சூரியனுக்கு உரியவை என்பதால், ஏகாதிபத்திய குறைப்பு தேவையில்லை.

அடுத்து.. எடுத்துக்காட்டுகளுடன் அஷ்டவர்க்கம்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-16

அஷ்டவர்க்கம் உருவாக்கம் - பிருகத் ஜாதகா – 84

   

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பகுதி   -  ஒன்பது

அஷ்டவர்க்கம்

அஷ்டவர்க்கம் உருவாக்கம்

8.       இவ்வாறு கோள்களுக்குரிய நல்ல இடங்கள் வரையறுக்கப்பட்டுள்ளன; பிற இடங்கள் தீமைதரும் இடங்கள்(1). ஒரு இடமானது நல்ல அல்லது தீய விளைவினைத் தரும் என்பதானது, அது அந்தக் கோளுக்கு அதிக நல்லதைக் கொண்டிருந்தால் நல்லது அல்லது அதிக தீயதைக் கொண்டிருந்தால் தீயது எனக் கொள்ள வேண்டும்(2).

இத்தகைய இடங்கள் அனைத்தும் பிறக்கும் நேரத்தில் கோள்கள் இருக்கும் இடங்களைக் கொண்டு கணக்கிடப்பட வேண்டும். கோள்கள், உபசய(3) வீடுகளை அல்லது  நட்பு அல்லது உச்ச வீடுகளைக் கடந்து செல்லும் நிலையில், அத்தகைய வீடுகள் அல்லது இராசிகள் மிக சுபமாக இருந்தால், தீமையைக் காட்டிலும் முழுதுமாக நன்மைகளைக் கொடுக்கும்; மேலும் அக் கோள்கள் அபசய வீடுகள்(5) அல்லது பகை அல்லது நீச்ச வீடுகளைக் கடந்தால், அத்தகைய வீடுகள் அல்லது இராசிகள் மிக அசுபமாக இருந்தால், நன்மையைக் காட்டிலும், முழுதுமாக தீமைகளைக் கொடுக்கும்(6).

குறிப்புகள் (திரு சிதம்பரம் அவர்கள்):

(1)    எடுத்துக்காட்டாக, சூரியனுக்கு அதன் இடத்திலிருந்து 3வது, 5வது, 6வது, 12வது வீடுகள் தீய இடங்கள். இலக்கினத்திலிருந்து, சந்திரனுக்கு 1வது, 2வது, 5வது, 7வது, 8வது, 9வது, 12வது வீடுகள் தீய இடங்கள், அதுபோலவே, பிறவற்றிற்கும்.

(2)    அஷ்டவர்க்க அட்டவணையை உருவாக்கும்போது, நன்மை தரும் இடங்களை புள்ளிகளாலும், தீமை தரும் இடங்களை கோடுகளாலும் குறிப்பது வழக்கம். கீழ்வரும் சாதகத்திற்கு, செவ்வாயின் அஷ்டவர்க்க அட்டவணையை உருவாக்குவோம்:-

இலக்கினம் சுக்கிரன்	சூரியன்	சந்திரன் புதன்
	இராசி சக்கரம்		வியாழன்
செவ்வாய்
		சனி

செவ்வாய்க்கு நன்மை தரும் இடங்களைப் புள்ளிகளாலும், தீமை தரும் இடங்களை கோடுகளாலும் குறிப்போம். அதற்கான விடையானது கீழ்வருமாறு இருக்கும்:-

000 = 3 IIIII = 5	000 = 3 IIIII = 5	000 = 3 IIIII = 5	000 = 3 IIIII = 5
000 = 3 IIIII = 5	செவ்வாயின் அஷ்டவர்க்கம்		0000 = 4 IIII = 4
00000 = 5 III = 3			00000 = 5 III = 3
00 = 2 IIIIII = 6	0 = 1 IIIIIII = 7	00000 = 5 III = 3	00 = 2 IIIIII = 6

இந்த அட்டவணையானது, எடுத்துக்காட்டாக செவ்வாயனது மேச இராசியைக் கடந்து செல்லும் நிலையில், அதன் நன்மையின் நிலை என்பது 3/8 எனவும், தீமையின் நிலை என்பது 5/8 எனவும் இருக்கும். அதாவது, அதன் வலிமையில் அது தீமையை 5/8 – 3/8 அல்லது 2/8 என வழங்கும். அதுபோலவே மற்ற இடங்களுக்கும் கணக்கிடல் வேண்டும்.

(3)     இவைகள் முறையே இலக்கினத்திலிருந்து 3வது, 6வது, 10வது, 11வது ஆகும். ஸ்ரீ தேவ கீர்த்தியின் கருத்தின்படி, சந்திரனுக்கும் அவ்வாறே ஆகும்.

(4)    அல்லது அவைகளின் சுவஷேத்திரம் அல்லது மூலதிரிகோண வீடுகளும் - ஸ்ரீ தேவ கீர்த்தியின் கருத்தின்படி.

(5)    உதய இராசியிலிருந்தும் மற்றும் சந்திரனிலிருந்தும் – மேலே கூறிய வகையில்.

(6)    அதன்படி, மேலே குறிப்பிடப்பட்ட செவ்வாயின் அஷ்டவர்க்கத்தின்படி, செவ்வாயானது மகரத்தின் வழியாக கடந்து செல்லும்போது (அதன் உபசய வீடு), 2/8 என குறைவாகத் தராமல், சுப பலன்களை முழுமையாகத் தரும்; மிதுனத்தின் வழியாக செல்லும்போது (அதன் அனுபசய இராசி)  அது 2/8 என குறைவாகத் தராமல், அசுப பலன்கள முழுமையாக தரும்.

                                                                    --              

… மேலும் தொடரும்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-16