தனுசுவின் திரேக்காண பலன்கள் - பிருகத் ஜாதகா – 214

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  இருபத்து ஏழு

திரேக்காண பலன்கள்.. தொடர்ச்சி

[குறிப்பு: இராசிகளின் வடிவங்களைக் கொண்டு பொதுப்பலன் உரைப்பது போல்

   இங்கு திரேக்காண வடிவங்கள் விளக்கப்பட்டுள்ளன]

25. தனுசுவின் முதல் திரேக்காணமானது குதிரை உடல் கொண்ட மனிதனாக, கையில் நீண்ட வில்லும் அவரது ஆசிரமத்தில் நின்று, யாகத்திற்கு பல்வேறு பொருட்களை பாதுகாப்பவராகவும் இருக்கும்.

குறிப்பு: இந்த திரேக்காணமானது மனித வடிவும் நான்குகால் விலங்காகவும் ஆயுதம் தரித்தும் இருக்கும். இதன் அதிபதி வியாழன்.

26. தனுசுவின் இரண்டாவது திரேக்காணமானது அழகிய பெண்ணாகவும், தங்கம் மற்றும் செண்பக மலர்போல் அழகாகவும், நடுத்தர அரியாசனத்தில் அமர்ந்தும்,  கடலிலிருந்து ரத்தினங்களை எடுத்தாள்பவராகவும் இருக்கும்.

குறிப்பு: இந்த திரேக்காணமானது பெண் வடிவில் இருக்கும். இதன் அதிபதி செவ்வாய்.

27. தனுசுவின் மூன்றாவது திரேக்காணமானது தாடியும் மீசையும் வைத்துள்ள மனிதனாகவும், தங்கம் மற்றும் செண்பக மலரின் நிறத்திலும், அரியாசனத்தில் அமர்ந்தும் கையில் செங்கோலும், வெண்பட்டு மற்றும் மான்தோல் அணிந்தும் காணப்படும்.

குறிப்பு: இந்த திரேக்காணமானது ஆண் வடிவமாகவும் ஆயுதத்துடனும் இருக்கும். இதன் அதிபதி சூரியன்.

திரேக்காணத்தின் பலன்கள்.தொடரும்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17