Concept

சோதிடம் என்பது எப்பொழுதும் சர்ச்சைக்குரிய பொருளாகவே உள்ளது. உண்மை எனும்போது நம்பகத் தன்மையின் அளவீடு முழுமைப் பெறுவதில்லை. இல்லை எனும்போது சில எதிர்மறைக் கருத்துக்கள் பொய்த்து விடுகின்றன. உண்மையா ? பொய்யா ? உங்களின் துணையோடு இதை ஆராய்வதே இந்த வலைப் பூவின் நோக்கம்.

o0o0o0o0o0o0o00o0o0o0o0o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o00o0o0o0o0o0

[இதில் வரும் பதிவுகளை, முதல் பதிவிலிருந்து வரிசையாகப் படிக்கவும். ஆய்வு நோக்கில் இத் தொடர் எழுதப்படுவதால், முன் பதிவுகளைப் படிக்காதவர்கள், அவைகளைப் படித்தபின் தொடர்ந்தால், தொடர்ச்சியாக இருக்கும்.].

0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o0o0o0o0o0o0o0oo0o0o0o0o0o0o0o0o0o0o0o0o

குறிப்பு:

நண்பர்களுக்கு, பிருகத் ஜாதகா மொழிபெயர்ப்பு முழுமையாக முடியும்வரை, சோதிட ஆய்விற்கு கொஞ்சம் ஓய்வு.

-----------------------------------------------------------------------------------------------------------------------------------------------------------

Tuesday, July 11, 2017

திரிம்சாம்ச செவ்வாய், சனி, வியாழன், புதனின் பலன்கள் - பிருகத் ஜாதகா – 164


வராக மிகிரரின் பிருகத் ஜாதகா
திரு N. சிதம்பரம் அய்யர் அவர்களின்
ஆங்கில மொழிபெயர்ப்பின் தமிழாக்கம்



பிருகத் ஜாதகா
பாகம்-2
பகுதி   -  இருபத்தொன்று

வர்க்கங்களில் கோள்களின் பலன்கள் தொடர்ச்சி


8.         செவ்வாயானது தனது சொந்த திரிம்சாம்சத்தில் இருக்கும்போது பிறந்தவர், திருமணம் ஆகக் கூடியவராகவும், அதிகாரம் மிக்கவராகவும், ஆயுதங்கள் தரித்தவராகவும், நன்றாக பழகக் கூடியவராகவும், நல்ல தோற்றம் உடையவராகவும், வேலையில் இலக்கின்றி உழைப்பவராகவும் இருப்பார்.

சனியானது தனது சொந்த திரிம்சாம்சத்தில் இருக்கும்போது பிறந்தவர், நோயால் பாதிக்கப்படுபவராக இருப்பார், அவரது மனைவி அவருக்கு முன்பாக இறப்பார், தீய தொழில்கள் செய்பவராக இருப்பார், பிறரின் மனைவியைக் கவர்பவராக இருப்பார், பொறாமை குணம் கொண்டவராக இருப்பார், சொந்த வீடு, உடைகள், உதவியாளர்கள் போன்ற அனைத்தும் இருக்கும், தூய்மையற்றவராக இருப்பார்.

9.         வியாழன் தனது சொந்த திரிம்சாம்சத்தில் இருக்கும்போது பிறந்தவர், செல்வந்தராகவும், புகழ்மிக்கவராகவும், மகிழ்ச்சியானவராகவும், புத்திக் கூர்மையாளராகவும், நல்ல தோற்றம் உடையவராகவும், உலகத்தால் மதிக்கப்படுபவராகவும், நோய்கள் அற்றவராகவும், நல்ல பழக்கங்கள் உடையவராகவும், ஆடம்பரமாக வாழ்பவராகவும் இருப்பார்.

புதன் தனது சொந்த திரிம்சாம்சத்தில் இருக்கும்போது பிறந்த ஒருவர் புத்திக் கூர்மையாளராகவும், நுண்கலை வித்தகராகவும், நேரம் தவறாதவராகவும், இலக்கிய எழுத்தாளராகவும், தனித்துவமான பேச்சும், தச்சுத் தொழில் போன்றவற்றில் திறமையானவராகவும், அறிஞர்களின் கருத்தினை மதித்து நடப்பவராகவும், பெருந்தொழில் தொடங்குபவரககவும், மதிப்பு மிக்கவராகவும் இருப்பார்.



வர்க்கங்களில் கோள்களின் பலன்கள்..தொடரும்




முதன்மை (சமஸ்கிருதம்)
ஆங்கிலம்
தமிழ்
வராக மிகிரர்
திரு N. சிதம்பரம் அய்யர்
நிமித்திகன்
கி.பி. 505 – 587
1885-ல் பதிப்பிக்கப்பட்டது
2014-17




No comments: