மேசம்-ரிசபம் - சந்திரனின் பலன்கள் - பிருகத் ஜாதகா – 128

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  பதினேழு

பல்வேறு இராசிகளில் சந்திரன்

1. மேச இராசியில் சந்திரன் இருக்கும்போது பிறந்த ஒருவர் வட்டவடிவமான சிவப்பு விழிகளையும், காய்கறி உணவில் விருப்பம் உள்ளவராகவும், இளஞ்சூடான உணவினை உண்பவராகவும் இருப்பார்; வெகுவில் இளகும் மனம் படைத்தவராகவும், பயணங்களில் ஆர்வம் உடையவராகவும், காம இச்சையில் ஆர்வம் உடையவராகவும் இருப்பார்; வலிமையற்ற மூட்டுகளைக் கொண்டிருப்பார்; நிரந்தரமான சொத்துக்களை வைத்திருக்க மாட்டார்; சண்டை இடுவதிலும், பெண்களிடத்தில் ஆசை உடையவராகவும் இருப்பார்; பிறரின் கீழ் பணிபுரிவதில் திறமையானவராக இருப்பார்; நகங்கள் உடைந்தும், தலையில் காயங்களுடனும் இருப்பார்; செருக்கு மிகுந்தவராகவும், சகோதர்களில் மூத்தவராகவும் இருப்பார்; கையில் ஆயுத இரேகையுடன் அதாவது சக்தி இரேகையுடன் இருப்பார்; அடிக்கடி மாறும் மன நிலையுடனும், நீரைக் கண்டு பயப்படுபவராகவும் இருப்பார்.

2. ரிசப இராசியில் சந்திரன் இருக்கும்போது பிறந்த ஒருவர் சிறந்த தோற்றமும் அழகிய நடையும் கொண்டிருப்பார்; பெரிய தொடைகளும் முகமும் கொண்டிருப்பார்; பின்புறம் அல்லது முகம் அல்லது பக்கவாட்டில் வடுக்கள் இருக்கும்; கொடையாளியாக இருப்பார்; துயரங்களைத் தாங்குபவராக இருப்பார்; பெரிய செல்வாக்கும் அதிகாரமும் கொண்டிருப்பார்; கழுத்தில் பெரிதாக புடைத்திருக்கும்; பெண் குழந்தைகள் இருக்கும்; சளித் தொந்தரவால் பாதிக்கப்பட்டிருப்பார்; சொத்துக்கள், உறவினர்கள், பிள்ளைகள் ஆகியோரிடமிருந்து, விலகியிருப்பார்; அனைவராலும் விரும்பப்படுபவராக இருப்பார்; அமைதியான குணம் உடையவராக இருப்பார்; நன்றாக உண்பவராகவும்; பெண்கள் மீது ஆர்வம் கொண்டவராகவும் இருப்பார்; நண்பர்களோடு இணைந்திருப்பார்; நடுவயதிலும், வயதின் முதிர்விலும்(1) மகிழ்ச்சியுடன் இருப்பார்.

குறிப்பு: (1) எனவே இளமைக் காலத்தில் மகிழ்வில்லாமல் இருப்பார்.

இராசிகளில் சந்திரன் தொடரும்…

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17