நவாம்ச சந்திரனின் பலன்கள் - பிருகத் ஜாதகா – 148

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  பத்தொன்பது

கோள்களின் பார்வை பலன்கள் தொடர்ச்சி…

5. பிறக்கும் நேரத்தில், சந்திரனானது செவ்வாயின் நவாம்சத்தில் இருந்து, அது சூரியனால் பார்க்கப்பட்டால், அந்த மனிதர் ஒரு நகரத்தின் பாதுகாவலராக இருப்பார்; செவ்வாயால் பார்க்கப்பட்டால், பிறரைத் துன்புறுத்துவதில் ஆர்வம் கொண்டவராக இருப்பார்; புதனால் பார்க்கப்பட்டால், சண்டைப்பயிற்சியில் திறமையானவராக இருப்பார்; வியாழனால் பார்க்கப்பட்டால், அவர் அரசனாக ஆவார்; வெள்ளியால் பார்க்கப்பட்டால் செல்வந்தராக இருப்பார்; சனியால் பார்க்கப்பட்டால் வம்புகளை வாங்கிவருவார்.

பிறக்கும் நேரத்தில், சந்திரனானது வெள்ளியின் நவாம்சத்தில் இருந்து, அது சூரியனால் பார்க்கப்பட்டால், அந்த மனிதர் ஒரு முட்டாளாக இருப்பார்; அது செவ்வாயால் பார்க்கப்பட்டால், அவர் பிறர் மனைவியின் மீது மோகம் கொண்டவராக இருப்பார்; புதனால் பார்க்கப்பட்டால் நல்ல கவிஞராக இருப்பார் அல்லது பிறரின் கருத்துப்படி, பிறரின் மனைவியைக் கவர்பவராக இருப்பார்; வியாழனால் பார்க்கப்பட்டால் சிறந்த நூல்களைப் படைப்பவராக இருப்பார்; வெள்ளியால் பார்க்கப்பட்டால், வசதியான வாழ்க்கையை விரும்புவராக இருப்பார்; சனியால் பார்க்கப்பட்டால், பிறர் மனைவியுடன் சேர்ந்து வாழ்வார்.

நவாம்ச சந்திரனின் பலன்கள்.. தொடரும்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17