துலாம்-மீனம் - சூரியனின் பலன்கள் - பிருகத் ஜாதகா – 135

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  பதினெட்டு

இராசிகளில் பிறக் கோள்கள்

3. துலாம் இராசியில் சூரியன் இருக்கும்போது பிறந்த ஒருவர் மது அருந்துவதில் விருப்பம் உடையவர் அல்லது மது தயாரிப்பாளராக இருப்பார்; இயற்கையை விரும்புவராக இருப்பார்; இரசவாதியாகவும் பாவச் செயல்கள் செய்பவராகவும் இருப்பார்.

விருச்சிக இராசியில் சூரியன் இருக்கும்போது பிறந்த ஒருவர் கோபக்காரராக இருப்பார்; வேலையில் இலக்கு இல்லாமல் இருப்பார்;  நச்சு பொருட்களைக் கையால்வதன் மூலம் பணம் சம்பாதிப்பார்(1); ஆயுதப் பயன்பாட்டினை நன்கு அறிந்திருப்பார்.

தனுசு இராசியில் சூரியன் இருக்கும்போது பிறந்த ஒருவர் முனிவர்களால் வணங்கப்படுபவராக இருப்பார்; வசதியானவராகவும் தனித்து இயங்குபவராகவும் இருப்பார்; மருத்துவம் மற்றும் சிற்பக்கலை அறிந்தவராக இருப்பார்.

மகர இராசியில் சூரியன் இருக்கும்போது பிறந்த ஒருவர் அவரின் தகுதிக்கு பொருந்தாத வேலையில் வாழ்நாள் முழுமைக்கும் ஈடுபடுவார்; ஒன்றும் அறியாதவராக இருப்பார்; மலிவான பொருட்களை கையாளுவார்; குறைந்த செல்வம் கொண்டிருப்பார்; பேராசை பிடித்தவராகவும், பிறரின் சொத்துக்களை அனுபவிப்பவராகவும் இருப்பார்.

குறிப்பு: (1) பிறரின் கருத்துப்படி, அவரது வருமானமானது அவருக்குப் பயன்படாது.

4.  கும்ப இராசியில் சூரியன் இருக்கும்போது பிறந்த ஒருவர் அவரது தகுதிக்குப் பொருந்தாத வேலையினை வாழ்நாள் முழுமைக்கும் மேற்கொள்வார்; ஏழையாக இருப்பார்; அவருக்கு குழந்தைகள் இருக்காது சொத்துக்களும் இருக்காது.

மீன இராசியில் சூரியன் இருக்கும்போது பிறந்த ஒருவர் தண்ணீர் தயாரிப்புகளின் மூல வசதியானவராக இருப்பார்; பெண்களால் மதிக்கப்படுவார். பிறக்கும்போது சூரியன் மற்றும் சந்திரன் இருக்கும் நிலைக்கு ஏற்ப இந்த மனிதரின் உடலில், மச்சமோ அல்லது ஏதாவது வடுவோ இருக்கும் (பத்தி 4, பகுதி-1).

இராசிகளில் பிறக் கோள்கள் தொடரும்…

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17