நவாம்ச சந்திரனின் பலன்கள்(2) - பிருகத் ஜாதகா – 149

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  பத்தொன்பது

கோள்களின் பார்வை பலன்கள் தொடர்ச்சி…

6. பிறக்கும் நேரத்தில், சந்திரனானது புதனின் நவாம்சத்தில் இருந்து, அது சூரியனால் பார்க்கப்பட்டால், அந்த மனிதர் கலைஞர் அல்லது நாட்டியக்காரராக இருப்பார்; செவ்வாயால் பார்க்கப்பட்டால், அவர் திருடராக இருப்பார்; புதனால் பார்க்கப்பட்டால் பெருங்கவிஞராக இருப்பார்; வியாழனால் பார்க்கப்பட்டால், அவர் அமைச்சராக இருப்பார்; வெள்ளியால் பார்க்கப்பட்டால், இசையில் திறமை மிக்கவராக இருப்பார், சனியால் பார்க்கப்பட்டால், எந்திரதொழில் நுட்பத்தில் சிறந்து விளங்குவார்.

பிறக்கும் நேரத்தில், சந்திரனானது கடக நவாம்சத்தில் இருந்து, அது சூரியனால் பார்க்கப்பட்டால், அந்த மனிதர் சிறு உடலமைப்பு கொண்டவராக இருப்பார்; செவ்வாயால பார்க்கப்பட்டால் அவர் ஒரு கருமியாக இருப்பார் அல்லது குறைவான செல்வம் கொண்டிருப்பார்; புதனால் பார்க்கப்பட்டால் யோகக்கலையில் ஈடுபாடு கொண்டவராக இருப்பார்; வியாழனால் பார்க்கப்பட்டால், ஒரு தலைவராக இருப்பார்; வெள்ளியால் பார்க்கப்பட்டால் பெண்களால் வளம் பெறுவார்; சனியால் பார்க்கப்பட்டால் வேலையில் ஆர்வம் கொண்டவராக இருப்பார்.

நவாம்ச சந்திரனின் பலன்கள்.. தொடரும்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17