நவாம்ச சந்திரனின் பலன்கள்(4) - பிருகத் ஜாதகா – 151

வராக மிகிரரின் பிருகத் ஜாதகா

திரு N. சிதம்பரம் அய்யர் அவர்களின்

ஆங்கில மொழிபெயர்ப்பின் தமிழாக்கம்

பிருகத் ஜாதகா

பாகம்-2

பகுதி   -  பத்தொன்பது

கோள்களின் பார்வை பலன்கள் தொடர்ச்சி…

8. பிறக்கும் நேரத்தில், சந்திரனானது சனியின் நவாம்சத்தில் இருந்து, அது சூரியனால் பார்க்கப்பட்டால், அந்த மனிதர் குறைவான குழந்தைகளைக் கொண்டிருப்பார்; செவ்வாயால் பார்க்கப்பட்டால், செல்வத்தின் மூலம் மகிழ்ச்சியை இழந்தவராக இருப்பார்; புதனால் பார்க்கப்பட்டால் கர்வம் மிக்கவராக இருப்பார்; வியாழனால் பார்க்கப்பட்டால் அவரது நிலைக்கு ஏற்ப உரிய வேலைகளைச் செய்வார்; வெள்ளியால் பார்க்கப்பட்டால் தாழ்நிலைப் பெண்களின் மீது மோகம் கொண்டிருப்பார்; சனியால் பார்க்கப்பட்டால் அவர் கருமியாக இருப்பார்(1). மேலே குறிப்பிட்டவை அனைத்தும் சந்திரன் ஒரு குறிப்பிட்ட நவாம்சத்தில் இருந்து அது பல்வேறு கோள்களினால் பார்க்கப்படுவதால் ஏற்படும் பலன்கள் என்பது சூரியனுக்கும் பொருந்தும் – அதாவது சூரியனால் பார்க்கப்படுவது என்பது சந்திரனால் பார்க்கப்படுவது எனும் விதிவிலக்கினைத் தவிர.

குறிப்பு:

(1)  இதே குறிப்புகள் உதய நவாம்சத்திற்கும், சந்திரனுக்கு இருப்பதுபோலவே பொருந்தும் – ஆனால் சந்திரன் உதய இராசியைப் பார்க்குமானால், அது கடகத்தினைத் தவிர பிற இராசியாக இருந்தால், அந்த பலனானது தீமையாக இருக்கும்.

நவாம்ச சந்திரனின் பலன்கள்.. தொடரும்

முதன்மை (சமஸ்கிருதம்)	ஆங்கிலம்	தமிழ்
வராக மிகிரர்	திரு N. சிதம்பரம் அய்யர்	நிமித்திகன்
கி.பி. 505 – 587	1885-ல் பதிப்பிக்கப்பட்டது	2014-17